هل كلام الناس لا بيقدم ولا ياخر ؟

[Naso]

http://www.vip70.com/smiles/data/f4.gif

مشكلة مجتمع .. هل كلام الناس لا بيقدم ولا ياخر ؟


نحن بالمجتمع او ربما المجتمعات نواجه مشكلة كبيرة وهي كلام الناس لدرجة انه الانسان او المواطن تحولت حياته من رأيه لرأي المجتمع ..




طريقة اكله .. ملابسه .. نوع الطعام الذي يتناوله بحياته اليومية.. وحتى ممكن انه توصل (او ربما وصلت )مع المواطنين ..انهم يختارون اصدقائهم حسب رأي المجتمع المحيط بهم .

هذه من اكبر مشاكل في المجتمع , وسببها الغيبة والنميمة بين افراد المجتمع وهذه عادات "للجبناء والحسودين" تعود على المجتمع بالاضرار.

ولو دخلت بشكل عميق اكثر بين افراد المجتمع سوف تجد ان هذه العادة اكثر عادة مكروهة فيما بينهم لانها تمنعهم من ممارسة حياتهم وحريتهم وشخصيتهم بطريقة مستقلة عن المجتمع "لان المجتمع مش مخلي حدا من شره" الفقير ... الغني ... المدير ... والناس لكي تتخلص من هذه المشكلة ... اصبحت تقلد المجتمعات الغربية بطريقة عمياء و هذا هو سبب الفساد في المجتمع . وعندما يقلدون الغرب فهم يقلدون الافلام والمسلسلات وهذه الامور , اي الامور التي لا طعم لها وفقط للترفيه عن النفس . وبكل الاحوال يبقى هذا الموضوع مجال مفتوح للمناقشة خصوصا ان مشكلة النميمة منتشرة في المجتمع بشكل كبير وللاسف ان بعضهم نسيوا ان ينظروا الى انفسهم قبل ان يستغيبوا بالناس.


http://www.vip70.com/smiles/data/f126.gif

[Mork]

هل كلام الناس لا بيقدم ولا ياخر ؟

أنا بتصرف على هالأساس
وحكمتي بهالموضوع هي:
كلام الناس لابيقدم ولا يأخر كلام الناس ملامة وغيرة مش أكتر

يسلمو ناسو على الطرح

وعنجد يا انوس إرضاء الناس غاية لا تدرك
لهيك اخليني انا كون رضيان وعمرو ما حدا يعجبو
يالي انا بيعجبني بساويه وشو ما بدون يقولو يقولو مو فارقة معي

يسلمو انس على الموضوع

[Dr.Naheda]

اي طبعا كلام الناس لا بيقدم ولا بيأخر واسأل ستك ام احمد كمان اذا مو مصدق 000ياسيدي هلاء الواحد بيتصرف حسب طباعو وقناعاتو وضمن اطار الصح والغلط يلي بيعرفو هو واهم شي يكون ضمن اطار الدين ...والباقي كلو خس

[Julia]

مع أنو إرضاء الناس غاية لا تدرك... معناها مو مستاهلة الواحد يضيع عمرو على شي مارح يحصلو...
بس اللي بيأثر هون هو السمعة .. يعني انا ما فيني زميلي بالشغل يعزمني عالغدا وانا روح معو لانو قدام العالم مالو صفة وهيك بتكون سمعتي هية الي انخدشت... ورسمال البني ادم شب ولا بنت هو سمعتو ...

[FOX]

اكبر رد هو اغنية سلطان الطرب ابو وديع(كلام الناس)وبس...شكر ناسو

[Holaco]

صحيح لا بأدم ولا بأخر
بس بساوي وجع راس

[Naso]

انا بشكر الكل على الاجوبة الحلوة

ارضاء الناس غاية لا تدرك لذلك الواحد بيعمل ضمن قناعاتوا و اخلاقوا و ما بيحيد لا عن الاخلاق و لا عن الشرع و اللعالم اللي بدها تحكي وقتها تحكي اللي بدها يااه

طول ما انا مالي مخالف اخلاق و لا شرع ما بيهمني


و الناس ما بهمها الا المظاهر و نا عندي العبرة بالسرائر لا بالمظاهر ياما شايفين عالم راكدة ورا الناس و شو بدها تحكي و بلاقي هالزلمة من برا رخام و من جوا شو ؟؟؟ صخااااااام !!!!


و متل ما قال هلولاكو كلام الناس لا بيقدم و لا بأخر بس بيجيب وجع راس

لذلك الواحد يعمل متل المثل (( كول ما تشتهي نفسك و البيس ما يليق بين الناس )) لانوا الناس راكدة ع المظاهر


و بالنهاية الابتعد ع الناس بريح الراس اسألولني انا !!! :mork1 (90):

[SaMoO]

والله يا ناسو انا كلام الناس عندي
لابيقدم و لا بياخر لانو
مو ضروري متل مو العالم بدا مشان ما حدا يحكي علي
لانو لو كنت متل ما بدون بيحكوا عليك انك متوتع :thumbs:

[جديدالملائكة]

الكلام اللي بيعجبني بسمعو واللي مابيعجبني بطنشو على مبدأ

الباب اللي بيجي منو الريح ............... تأتي الرياح بمالاتشتهي السفن

حبيبنااااااااااااااا انوس ميرسيتو :thumbs:

[الحلم البريء]

مشكلتون مو مشكلتي أنا ما بخلاف العرف والاخلاق والدين وما بخرج عن المعهود والباقي عمرون ما يعجبون حمل جحا حماروا وما خلص من الناس

[ريتا]

أرضاء الناس غاية لاتدرك


وأكيد مابيهمنييييييييييي كلامهم

الامااناأتقتل جزء منوا
لأانو لازم أسمع

وكلام يلي بيعجبني بسمعوا ويلي مابيعجبني الله معو

مشكور ناسو عل
الطرح

[SHINING MAN]

انا بقول انو كلام الناس لا بيقدم ولا يأخر
لنو من عدة منطلقات الاول
ارضاء الناس حاجة لا تدرك
تاني شي
انو كل واحد بدو يعيش حياتوا هو يلي هو بيأمن فيها
يصطفلوا الباقيين بشرط ما يكون عم يأثر عليهووون


مشكور جدا ناسو

[فراشة سورية]

انا كمان مابهتم لكلام الناس
لانو ارضاء الناس غاية لاتدرك

ولو شو ماعملنا مارح يعبون

لهيك بسمع وبسطح وبعمل الي براسي

يسلمو ع الموضع

[العبدلي151]

يقول المثل ( من سمع كلام الناس مات بحسرته )

لأن الناس ما يعجبهم العجب

أذا عملت حاجة صح سوف يتكلموا وإذا أخطئت سوف يتكلموا

فالأفضل أن لا نلتفت لهم أذا كان ما قمت به صح

وشكرا

[عااشق الغروب]

مرحبااااا
انا من وجهة نظري انو كلنا منقول كلام الناس لا بيقدم ولا بياخر
بس يا جماعة لاتنسو انو الناس ما ببترك حدا من شرها
ووقت بيكتر الحكي ماحدا بيقدر يتمالك نفسو
وبيصير بيسمع للكل...................
يعني اذا اي واحد منا حب بنت وقرر يتزوجها
بتصير العالم تحكي للشب انو هي البنت مو منيحة
وللبنت انو هل شب مو منيح
وانا صار فيي هيك
واخر شي بقولو :
تجنب الناس عبادة

[Nwras]

تحياتي
العاقل لايتأثر
ولكن التقيه واجب مشان ماحدايتعرضنا بالكلام
وشكرا

[Ros]

صحيح كلامك يا هولاكو بيجيب وجع الراس وكتيرررررر
بس انا عنجد بهرب من العالم ومشاكلون بس هنن بيدورو عليي وين ما رحت
وانا حكمتي يا مورك غير حكمتك انت واللي هي(طنش تعش تنتعش)

[ratb]

انا ما بهتم بحكي الناس طالما بعرف حالي منيح
وبعرف ميز بين الصح والخطا
بس اني امشي على كيف المجتمع بالامر يلي بتتعلق بحريتي الشخصية
هدا شي بيخنقني وما بقدر عليه
/ رحم الله امرئ عرف حده فوقف عنده /
مشكور على هالطرح الحلو اخ ناسو

[genial707]

صحيح لابأدم ولا يأخر بس الكل عم يسعى لأرضاء الناس لاشعوريا

[H.M]

صحيح لابأدم ولا يأخر بس الكل عم يسعى لأرضاء الناس لاشعوريا


لوجود المصالح المشتركة ....

[zena]

:mork1 (23):كلام الناس لابيقدم ولاياخر كلام الناس ملامة وغيرة مش اكتر ذكرتني بهالغنية لجورج وسوف وعنجد انا مابهمني بالمرة......وكلام الاخ راتب كتير حلو وبيعجبني وانا بايدو

[NAWARA]

عنجد شو ماعمل الواحد ما بيخلص من حكي الناس فالأفضل انو يكون هو مقتنع بالشي اللي عم يعملو وما يرد عحدا
مشكووور :mork1 (57):

[NsReNoOo]

والله يا ناسو رح ئلك كلمتين كلام الناس اكيد بيأثر بس بالنهاية بيضل حكي وانا برأيي الانسان يلي مقتنع من داخله انه صح مابهمه اي كلام
(واثق الخطا يمشي ملكاااااا)
انا هيك برأيي