مشاهدة النسخة كاملة : أكتب عن ظاهره سيئه تتمنى زوالها .
أكتب عن ظاهره سيئه تتمنى زوالها . . . .
لايـخـلــوا مجـتـمــع بشــري في هذه الدنـيــا مــن ظواهــر اجتماعـيـــه سلبـيــه
ولكــن لا أحــد منــا يقـبـــل بالســـيء مــــن تلــك الظــواهــر
المصارحــه في هذا الموضوع هي الطريــق الآمـــــن لتفاديها
((إن الله لايـغـيــــــر مابـقــــــوم حتى يغــيـــروا مابأنــفــســهــــم ...... ))
في مجـتـمـعــاتـنــــــا عــدة ظــواهــر سلبـيـــــه تشوه صورتنا كمسلمين ,, ولكن ماهي ...؟؟؟
شاركــــــوا برأيـكـــــــم واكـتـبـــوا عـن ظاهـــرة سلبـيـه تـتـمنـــــــون زوالها ..
ومالحل ايضا لهذه الظاهرة .....
وانارح بلش......... بقول انو ابشع ظاهره بهالايامالتقليدالاعمى للغرب بكل الشغلات السيئه للاسف
موبالشغلات الكويسه متل الصدق بالمواعيد ووالتعامل ............
وكل واحد همو صار يقلد فلان بلبسو او بحكيو او...بالمظاهر الكزابه
اتمنى التفاعل منكم وتحياتي
والموضوع منقول للاستفاده
SHINING MAN
24-09-08, 03:22 PM
الكتابات على السيارات
دوبلني واتفرج ومدري شو
+سيد القلم+
25-09-08, 03:26 PM
تفتت العرب و تشردهم متل هررت الدكاكين و الصايعين
بعرف عم احلم بس انشاله بيتوحدو و لك على القليله يتفقو
تفتت العرب و تشردهم
إذاً أنت يا سيد القلم مقتنع أن تفتت العرب وتشردهم هو مجرد ظاهرة فقط .. وستزول...
بالوقت يلي أنا بشوفو ..طبع .. قد غلب التطبع ...
SHINING MAN
26-09-08, 11:08 AM
انا مع سيمو
AboALLAITH
27-09-08, 08:11 PM
أنا سبق وكتبت عن ظاهرة التقليد للغرب كظاهرة سيئة وأدرج الموضوع بالمنتدى...
وهلق في ظواهر سيئة متل وقوف الشباب عند مدارس البناة
وكمان التشخلع كتيير باللبس وأبشع ظاهرة انو التعصب الديني...
وبالنسبة للوحدة العربية هيي حلم ممكن التحقيق وان شاء الله عن قريب اذا آمنا كلنا فيه
+سيد القلم+
27-09-08, 10:58 PM
انا مع سيمو صار طبع مو ظاهره بس الواحد بيمني النفس و بيخفف الثقل بهيك كلمه((ظاهره))
يا صديقي انا ماكتبت مواضيع انا شاركت بنقاشها و انه الوحده العربيه حلم رح يتحقق ما بظن يتحقق و اذا بدها تحقق.. لا تخليني احكي على ملك الس....و رئيس م...و شو عم يصير بل.....و كيف راحت فلسطين و شو صار بالضبط بالعراق.. و لسا نسنا بتتذكر شي اسمه لواء اسكندرونه شي اذا بتتذكرو لازم تتذكر كل حياتك انه مارح يتحد العرب ولو طبقت السما على الارض
محمد السيد يحيى
28-09-08, 01:00 AM
اذا واحد بدو يحكي عن ظواهر سيئة برأي بكون عم يعطي الموضوع حقو لو ينحكى عن ظواهر ايجابية وبيكتب كل واحد وهو بعمرنا أي بعمر الشباب عن أشياء حلوة عملا بحياتو مشان غيرو يقلدو ويتبعو يعني بصير موضوع الاقناع ع/ط صديق أقوى من نصيحة أم أو أب يعني متل صلاة الجماعة في الجامع بريعان الشباب أو متل افشاء السلام بين الناس صلة الارحام كفانا تشرذما كفانا خنوع الله يحيى القلوب الصادقة والعزيمة الجياشة بقلوب الاوفياء
وليس موضوع ظواهر سيئة ككلمة حق يراد بها باطلا
في كتير ظواهر بس بالنسبة الي كصبية فهي ظاهرة التلطيش والزعرنة وقلت الأدب
الصراحة اي شخص بيعمل هيك بينزل من عيني يعني اذا هو مو محترم حالو وعامل لنفسه قيمه كيف بدي احترمو انا؟
انا اكتر شي بيزعجني بهالبلد هي الاوساخ يلي منشوفها وين ما كان لدرجة صارت من مظاهر الحضارة عنا
والله عيب ياجماعة تشوف شب طول الحورة عم يكب محرمة او كيس بطاطا او اي شي بالارض
ولا وقت بتشوف بنت مثقفة وبتعملي حالها نضيفة وبالاخير ما بتلاقيها الا عم تكب شي شغلة بالارض ويلي بيقهر بكبوا ادام العالم وما بهمن حدا وكانهن مفتخرين بحالن
ايمتى بدنا نصير متل العالم ونحافظ اقل شي على المظهر الخارجي لبلدنتا وجامعاتنا ومدارسنا وشوارعنا
يمكن طولت وبدي اشكر ايمن عالموضوع يعني نحنا منكتب عن الاشياء يلي ما منيحة مو افتخارا فيها مشان نحاول نغيرها وان شا الله بتتغير عن قريب
حسين 21
28-09-08, 04:07 AM
تدخين الاولاد باعمار صغيرة
بتمنى زوال شارع الثورة
ههههههههههههههههههههههههههه
هلء هاد بتسمي ظاهرة .... هاد اسمو مظاهرة ...
ههههههههههههههههههههههههههه
هلء هاد بتسمي ظاهرة .... هاد اسمو مظاهرة ...
أسوأ ظاهرة بالعالم
انو قرف و انو روايح و انو نور و انو وساخة
بشارع الثورة
+سيد القلم+
29-09-08, 02:03 PM
أولا انا مع محمد يحيى السيد لامس الجرح و حط عليه ملح
ستار معك حق بس و الله مو ظاهره هي هي صارت عم تولد مع بعض الاشخاص و عم يتشربها اكتر مع تقدم عمرو
أنجيل كمان معك حق بس يا اختي اول شي خلينا نقول و ين حاويات الزباله منشان نحط الاوساخ فيها مثلا اليوم بيحطو حاويه متل بكرى ما عمن نلاقيها
طيب شو الحل و الله ما بعرف
أكتر شي بيزعجني يا أيمن هوي وجوه الناس بطلع بالعالم بشوف التعب والخوف من الي جاي تجاعيد بترويلك قصة طويلي كلها مرارة ناس صافني ناس دايخة ولد عميمسح بلور سيارة وبنت عمتشحد والخخخخخخخخخخخخ
يسلمو عالموضوع الروعة
غالب الناصري
08-10-08, 12:40 PM
أحد الظواهر السيئة يلي برأيي سبب كل المشاكل ...
( يمكن هون رح خالف أحد قوانين المنتدى ) عدم المخافة من الله تعالى و الابتعاد عن الدين ....
shams light
09-10-08, 03:13 AM
صراحة اكيد في كتير ظواهر بتمنى غيرها منها انو تصير الشوارع نضيفة ومايكون فيها شي مية جورة يعني اذا طلعت عالرصيف بتلاقي سيارات مصفوفة هاد اذا لقيت رصيف واذا انزلت من عالرصيف بتجي لتدعسك سيارة من كتر سرعتا
بصراحة البنات بس تضحك بالشارع بصوت عالي بقرف
.مدري بكره هالظاهرة هاعادة وبتمنى تتغير